Os Gjestehamn:
Os Gjestehamn ligg sentralt i Osøyro og her finn ein både butikkar og ellers det ein treng av servicetilbod. Her kan du få påfyll av drivstoff, vatn, propan eller kopla deg til straum. I servicebygget rett ved er det tilrettelagt med toalett, dusj, vaskemaskin og tørketrommel.
Vinnesholmen:
På Vinnesholmen ynskjer ein å legga til rette for eit aktivt sjøliv for liten og stor. Her finn du båtplassar, gjesteplassar, badeområde med badebrygge og stupebrett. Elles er det fine turmogelegheiter i området der du mellom anna kan treffa på villsau langs stiane.
Skorpo
Her finn du ei god hamn, tilrettelagt med fortøyingsboltar på neset og ein liten og ein stor kai inne i Tednevågen. Fortøying ved kai i maks. eit døgn når det er stor båtutfart. Friluftsområdet har ellers ei badevik med sandstrand og fleire naturskjønne svaberg og badeviker.
